capçalera campanha

Actualitats

Internacional

Suècia: de susmautas entre islamofòbs e antiracistas

Dempuèi dijòus l’ultradrecha crida a manifestar en cremant l’Alcoran mentre que d’antiracistas ensajan de desconvocar aquelas manifestacions

| A Öbrebro

Tèxte legit

De susmautas islamofòbas en Suècia se tenon dempuèi qualques jorns. Se comencèt dijòus passat que l’ultradrechista Rasmus Paladan cridèt a manifestar en cremant d’exemplars de l’Alcoran. Las manifestacions foguèron autorizadas dins divèrsas vilas ont de contramanifestacions antiracistas respondèron e capitèron a desconvocar almens doas manifestacions. Dimenge passat, los rambalhs s’acabèron amb quatre personas nafradas per la polícia a Norrköping, a unes 150 km al sud-oèst d’Estocòlme.
 
Rasmus Paludan es un avocat de 40 ans del partit ultradrechista danés Linha Dura, que tanben se presenta a Suécia. Nascut en Danemarc, Paludan a lo doble ciutadanatge danés e suedés, e es ara a far una virada per Suécia per obténer de sostens. El defend l’enebicion de l’islam e la percaça dels immigrants non europèus.
 
La primièra ministra de Suècia, Magdalena Andersson, a condemnat la violéncia. De lor caire, los govèrns d’Iran e d’Iran an exprimit lor malcontentament. Teheran planh que las manifestacions sián estadas permesas e a cridat son ambaissador en foncions. De son latz, Bagdad a cridat l’encargat dels afars de l’ambaissada suedesa.

 
 
 
 

abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Delbòsc
6.

Los paures ignorants de Jornalet sabon pas escriure l'occitan, amai son de militants de la farlabica, mès en mai d'aquò suprimisson tot çò que pòt portar tòrt a l'extrèma esquèrra islamofila, tot çò qu'es eficaç. Lo comentari n° 4 respondiá al comentari n° 3. Ont es passat lo comentari n° 3 ? E n'i a un autre de suprimit. Èran tròp perilhós per la pichona sècta. Lo metòde es clar, tolerar de monde d'extrème-dreta per far creire a un minimom d'objectivitat e de tolerància, mès quand i a un inclassable, suspècte de far partida de l'esquèrra un pauc intelligenta, aquí i a un perilh pels fanatics.

  • 1
  • 14
Jèsus
5.

#3 A sa fruita se coneis l'albre…

  • 0
  • 3
Franc Bardòu
4.

#1 Fins ara, la mission de la políca es d'assegurar e manténer "l'òrdre public", es a dire velhar &° al manten de la riquessa dels rics, donc 2) de la pauretat dels paures e de 3) l'injustícia perenna que los disntiguís unes dels autres e enfin 4) que res ni degun non o pòsca significativament cambiar. E donc, mission complida !

  • 19
  • 7
Astrau Peiròla de Provença
3.

De pertot l’extrèmadrecha secuta lei minoritats e mai que mai lei personas musulmanas, e creisse ambé lo sostèn de miliardaris, tot aquò car lei societats dichas democraticas an oblidat la necessitat de l’antifaissisme. D’ara endavans, laissar parlar e agir lei faissistas es vengut la « libertat d’expression » e leis aparar ambé la polcia es « l’òrdre democratic »

  • 19
  • 15

Escriu un comentari sus aqueste article